525.Az

Əlində qılınc və dini bayraq Təzəpir məscidinə girmək istəyən şəxslər saxlanıldı


 

Əlində qılınc və dini bayraq Təzəpir məscidinə girmək istəyən şəxslər saxlanıldı<b style="color:red"></b> Bakıda məscidə hücum edən şəxslər saxlanılıb.
 
Yasamal rayon Polis İdarəsindən APA-ya verilən məlumata görə, Təzəpir məscidində dünən günorta namazı qılınan zaman iki nəfər məscidə girib.
 
Onlardan birinin əlində qılınc, digərinin əlində isə dini bayraq olub. Məsciddə olan şəxslər dərhal polis əməkdaşlarına məlumat veriblər.
 
Yasamal rayon Polis İdarəsi 26-cı Polis Bölməsinin əməkdaşları tərəfindən həmin şəxslər saxlanılıb.
 
Onların Yaşar Əliqulu oğlu Cahangirov və Əfqan Elman oğlu Aydınov olduğu müəyyən edilib. Həmin şəxslər istintaqa təhvil veriliblər.
 
Hazırda faktla bağlı araşdırma aparılır.
 




15.07.2017    çap et  çap et