Cəlilabadda bomba qoyulması barədə məlumat təsdiqini tapmadı

Cəlilabad rayonunun Qarazəncir kəndində bomba qoyulması barədə məlumat təsdiqini tapmayıb.

Daxili İşlər Nazirliyinin mətbuat xidmətindən APA-ya verilən məlumata görə, araşdırmalar zamanı bu barədə FHN-nin “112” xidmətinə zəng edərək məlumat verən Cəlilabad rayonunun Sabirabad kənd sakininin ruhi xəstə olduğu müəyyən edilib.

Həmin şəxsin 10 yaşı var.

Qeyd edək ki, dekabrın 22-də saat 15:15-də naməlum şəxs mobil telefonla FHN-nin “112” xidmətinə zəng edib “Cəlilabad rayonunun Qarazəncir kəndində bomba partlayacaq” deyərək əlaqəni kəsib. Məlumat DİN-in “102” Zəng Mərkəzi Xidmətinə ötürülüb. Dərhal birgə təxirəsalınmaz tədbirlər həyata keçirilib, məlumat təsdiqini tapmayıb.