ABŞ Daxili təhlükəsizlik nazirliyi Pensilvaniya ştatında polis əməkdaşlarına edilən hücumu terror aktı kimi qiymətləndirilib.
APA-nın məlumatına görə, bu barədə CNN telekanalı xəbər verib.
Dekabrın 22-də ABŞ-a Misirdən gəlmiş Əmin Əl-Mofti Pensilvaniya ştatının Harrisberq şəhərində polis əməkdaşlarına atəş açıb. Hadisə nəticəsində bir asayiş keşikçisi yaralanıb.
ABŞ Daxili təhlükəsizlik nazirliyinin nümayəndəsi Tayler Houlton hadisəni terror hücümu adlandırıb. O həmçinin qeyd edib ki, ABŞ vətəndaşı olan Əl-Mofti ölkəyə ailə miqrasiyası proqram vasitəsi ilə gəlib.
çap et