Rusiya öz vətəndaşlarını xaricə səyahət etmədən əvvəl iki dəfə düşünməyə çağırıb.
APA-nın “Reuters” agentliyinə istinadən verdiyi xəbərə görə, bu barədə Rusiya Xarici İşlər Nazirliyi bəyanat yayıb.
Bəyanatda bildirilir ki, Rusiya vətəndaşları xaricdə Vaşinqtonun tələbi ilə həbs olunub ABŞ-a təhvil verilmə təhlükəsi ilə qarşılaşa bilər:
“ABŞ və Rusiya səlahiyyətliləri arasında əməkdaşlığın inkişaf etdirilməsi üçün çağırışlarımıza baxmayaraq, ABŞ xüsusi xidmətləri bütün dünyada rusları “ovlamaq” siyasətini davam etdirir”.
Bəyanatda ötən ildən bəri ABŞ-ın tələbi ilə xarici ölkələrdə 10-dan çox rusiyalının saxlanıldığı deyilib.
çap et