Türkiyədə ABŞ səfirliyinin yerləşdiyi küçənin adı dəyişdirildi

ABŞ-ın Ankaradakı səfirliyinin yerləşdiyi “Nevzat Tandoğan” küçəsinin adı dəyişdirilib. 

APA-nın “NTV”-yə istinadən verdiyi xəbərə görə, küçəyə Türkiyənin Afrində apardığı əməliyyatın adı olan “Zeytun Budağı” adı verilib. 

Qeyd edək ki, Türkiyə 20 Yanvar 2018-ci il tarixində PKK terror təşkilatının Suriya qolu PYD/YPG ilə mübarizə aparmaq üçün Afrində əməliyyatlara başlayıb.