Venesuelanın Karabobo ştatında həbsxanada baş vermiş qiyam və yanğın nəticəsində 78 nəfər ölüb.
APA-nın RİA Novosti agentliyinə istinadən verdiyi xəbərə görə, ölənlərdən 68-in kişi, 10-un qadın olduğu bildirilir.
Məlumata görə, qadınlar məhkumluq həyatı yaşayan ərlərinə baş çəkdikləri zaman həyatlarını itiriblər. Ümumilikdə həbsxanada 100-dən çox məhbusun cəza çəkdiyi bildirilir. İnsidentin səbəbləri açıqlanmır. Şahidlərin sözlərinə görə, əvvəl atəş səsləri eşidilib, daha sonra isə cəzaçəkmə müəssisəsində yanğın başlayıb.
Rəsmi Karakas hadisə ilə əlaqədar hələ ki, rəsmi məlumat verməyib. 2013-cü ildə Venesuelanın Lara ştatında həbsxanada baş vermiş qiyam 61 nəfərin ölümünə səbəb olub, yaralıların sayı 120 nəfər çatıb.
çap et