İyulun 4-də Bakı Apellyasiya Məhkəməsində “Nida” Vətəndaş Hərəkatı İdarə Heyətinin üzvü Rəşadət Axundovun həbs qətimkan tədbirinin 3 ay artırılması ilə bağlı qərardan şikayətə baxılıb.
“Media forum” saytının məlumatına görə, şikayət təmin olunmayıb və Bakı Apellyasiya Məhkəməsi Nəsimi Rayon Məhkəməsinin çıxardığı qərarı qüvvədə saxlayıb. Həmin qərar iyunun 24-də çıxarılmışdı.
Martın 30-da Baş Prokurorluğun Ağır Cinayətlərə Dair İşlər üzrə İstintaq İdarəsi Rəşadət Axundova Cinayət Məcəlləsinin 228.3-cü (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddəsi ilə ittiham irəli sürüb.
çap et