Əmək və Əhalinin Sosial Müdafiəsi Nazirliyi bu il üçün əlilliyi olan şəxslərin istirahətinin təşkili işlərinə başlayıb.
Nazirlikdən verilən məlumata görə, 90 nəfər əlilliyi olan şəxs xüsusi ayrılmış nəqliyyat vasitəsi ilə Lənkərandakı istirahət mərkəzinə göndərilib.
İstirahətə yola salınan şəxslər ölkəmizdə əlilliyi olan vətəndaşların sosial müdafiəsinin gücləndirilməsi üçün aparılan işlərin onlarda məmnunluq hissi doğurduğunu vurğulayıblar. Onlar dövlət qayğısı ilə əhatə olunduqlarına, habelə ölkəmizin gözəl təbiətə malik guşələrində istirahət etmələrinə şərait yaradıldığına görə prezident İlham Əliyevə dərin minnətdarlıqlarını ifadə ediblər.
Əmək və Əhalinin Sosial Müdafiəsi Nazirliyinin "2018-ci ildə əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı" qeyd olunan insanların cəmiyyətə inteqrasiyası, tibbi bərpa olunmalarına köməkliyin göstərilməsi, bədən tərbiyəsi və idmana cəlb edilmələri, asudə vaxtlarının təşkili, onların sosial müdafiəsinin gücləndirilməsi üçün cari ildə həyata keçirilməsi nəzərdə tutulan təbirləri əhatə edir. Əlilliyi olan şəxslərin istirahətə göndərilməsi də həmin proqrama uyğun olaraq, onların asudə vaxtlarının səmərəli təşkili məqsədinə yönəlib.
Bu məqsədlə cari ildə 1100 nəfərdən çox əlilliyi olan şəxsin respublikamızın səfalı guşələrindəki istirahət mərkəzlərinə göndərilməsi nəzərdə tutulur.
CEYHUN
çap et