Poroşenkodan Ukrayna nümayəndələrinin MDB-dən çıxarılmasına dair tapşırıq

Ukrayna prezidenti Petro Poroşenko Xarici İşlər Nazirliyinə Ukraynanın nümayəndələrini MDB koordinasiya qurumlarından geri çağırmaq üçün təkliflər hazırlamağı tapşırıb. 

APA-nın RİA Novosti agentliyinə istinadən verdiyi xəbərə görə, daha əvvəl P.Poroşenko Ukrayna hökumətinin MDB-nin təsis qurumlarından rəsmi çıxarılması proseduruna başlanmasını və Minskdə Ukraynanın nümayəndəliyinin bağlanmasına dair göstəriş verib. 

Ukrayna Milli Təhlükəsizlik və Müdafiə Şurası, öz növbəsində, Kiyevin təşkilatın fəaliyyətində iştirakının dayandırılmasına dair prezidentin təşəbbüsünü dəstəkləyib.