"Xəzərin Aralın taleyini yaşamaması üçün işlər görülməlidir"

"Planetin temperaturunun istiləşməsi gələcəyin ən böyük problemidir".

APA-nın xəbərinə görə, bunu Azərbaycan Milli Elmlər Akademiyasının (AMEA) Coğrafiya İnstitutunun direktoru, akademik Ramiz Məmmədov deyib.

O bildirib ki, qlobal istiləşmənin təsiri özünü daha çox daxili sularda göstərir:

"Daxili sulara ən bariz nümunə Xəzər dənizidir. Xəzər dənizinin Aralın taleyini yaşamaması üçün müəyyən işlər görülməlidir. Xəzər dənizinin biomüxtəlifliyi, ətraf mühiti, fiziki şəraiti mühafizə olunmalıdır".