"Uşaqları viruslardan profilaktik qorumaq üçün ən effektiv vasitə peyvəndləmədir".
525.az xəbər verir ki, bunu Səhiyyə Nazirliyinin mütəxəssis-eksperti, pediatr Əkbər Quliyev deyib.
Onun sözlərinə görə, maskadan istifadə, əlləri tez-tez yumaq, otağın havasını dəyişmək də profilaktik qorumaya daxildir.
Ə.Quliyev vurğulayıb ki, valideynlər uşaqlar xəstələnən kimi vitamin, sirop və ya təbii otlardan istifadə edir, amma bu düzgün deyil.
O bildirib ki, müalicə mütləq həkim tövsiyyəsi və nəzarəti altında olmalıdır: “Özbaşına müalicə başqa problemlərə səbəb ola bilər”.
çap et