Ukrayna Prezidenti Vladimir Zelenski Ağ Evə və ABŞ Konqresinə səfər edəcək.
525.az xarici KİV-ə istinadən xəbər verir ki, adının çəkilməsini istəməyən ABŞ rəsmiləri bildiriblər ki, Zelenskinin səfəri Nyu-Yorkda keçiriləcək BMT Baş Assambleyasında iştirakından sonra baş tutacaq.
Bildirilib ki, Zelenski cümə axşamı Ağ Evdə ABŞ Prezidenti Co Baydenlə görüşəcək.
ABŞ Konqresi hazırda Ukraynaya əlavə 21 milyard dollar yardımı müzakirə edir. Konqresdəki bəzi respublikaçılar iddia edir ki, Ukraynaya yardım dayandırılmalı və federal büdcədə xərclər azaldılmalıdır.
Qeyd edək ki, Zelenski 2022-ci ilin dekabrında Vaşinqtona səfəri zamanı Konqresə müraciət edərək bildirib ki, ABŞ-nin Ukraynaya yardımı “ianə” deyil, “qlobal təhlükəsizlik və demokratiyaya” investisiyadır.
Malik Atilay
çap et