14 saylı Xəzər-Pirallahı seçki dairəsindən deputatlığa namizədliyini vermiş Günay Əfəndiyeva seçicilərlə növbəti görüşünü keçirib.
525.az xəbər verir ki, budəfəki görüş Xəzər rayonunun Türkan qəsəbəsində, Ağaxan Abdullayev adına Mədəniyyət Mərkəzinin həyətində, açıq havada baş tutub.
Türkan ilə yanaşı, Zirə, Şüvəlan ictimaiyyətinin nümayəndələri də görüşdə iştirak ediblər.
Görüşlə bağlı sosial şəbəkə hesabında paylaşım edən G.Əfəndiyeva Türkan kənd ağsaqqalı hörmətli Balamirzə müəllimə, Azərbaycan Rəssamlar İttifaqının üzvü Əbdüləmi Əliyevə, həyatını uşaqlıqdan bəri əlil arabasında keçirməsinə baxmayaraq, güclü iradəsi ilə hər kəsə örnək olan Mehriban xanıma və bütün iştirakçılara könüldən təşəkkür etdiyini bildirib.
“Eyni zamanda, seçki kampaniyamda mənə dəstək olan əziz dostlara - Azərbaycan Respublikasının Xalq artisti, xanəndə Mənsum İbrahimova və rəhbərlik etdiyi muğam üçlüyünün sənətçiləri: Azərbaycan Respublikasının Xalq artisti, tarzən Elçin Həşimova, Azərbaycan Respublikasının Əməkdar artisti, kamança ustası Elnur Əhmədova, Azərbaycan Dövlət Mədəniyyət və İncəsənət Universitetinin professoru, kafedra müdiri, Azərbaycanın Əməkdar artisti Azad Şükürova, “Mədəniyyət.Az” jurnalının baş redaktoru, fəlsəfə doktoru, əməkdar mədəniyyət işçisi Zöhrə Əliyevaya, şair, yazıçı Kənan Hacıya, Bakı Bələdiyyə Teatrının direktoru Aynur Muxtarovaya, teatrın baş rejissoru, Azərbaycanın Xalq artisti Mərahim Fərzəlibəyova və aktyor Tural Əhmədə ürəkdən təşəkkür edirəm. Qəlblər səsləşərsə əngəllər aradan qalxar. Bir könüldən min könülə yol açmaq üçün, Gəlin, körpüləri birlikdə salaq!”, - deyə G.Əfəndiyeva yazıb.
İbrahim
çap et