Şimali Koreya Rusiya ilə münasibətlərini pisləyən NATO-ya reaksiya verib və təşkilatın ölkənin maraqlarını pozmağa davam edəcəyi təqdirdə bunun nəticələrinə görə məsuliyyət daşıyacağını bəyan edib.
525.az xarici KİV-ə istinadən bildirir ki, Şimali Koreya Xarici İşlər Nazirliyinin adı açıqlanmayan rəsmisi NATO ilə bağlı açıqlama verib.
Bəyanatda NATO-nun Rusiya ilə Şimali Koreya arasında hərbi əlaqələri pisləməsi ilə bağlı bu ifadə işlədilib: “NATO ABŞ-nin döyüş alətindən başqa bir şey deyil”.
Şimali Koreya rəsmisi NATO-nun bəyanatını pisləyərək: “Əgər NATO Şimali Koreyanın maraqlarını pozmağa davam edərsə, bunun səbəb olacağı faciəvi nəticələrə görə tam məsuliyyət daşıyacaq”, - deyib.
Malik Atilay
çap et