Mərkəzi Bankın İdarə Heyəti üzvlərinin vəzifəyə təyin və azad edilməsi müzakirə olunacaq

Mərkəzi Bankın İdarə Heyəti üzvlərinin vəzifəyə təyin və vəzifədən azad edilməsi məsələsi müzakirə olunacaq.

525.az xəbər verir ki, bununla bağlı Milli Məclisinin İqtisadi siyasət, sənaye və sahibkarlıq komitəsinin sabah keçiriləcək iclasının gündəliyinə məsələ daxil edilib.

Qeyd edək ki, Mərkəzi Bank haqqında qanuna əsasən İdarə Heyətinin 7 üzvü olmalıdır. Hazırda İdarə Heyətində 3 nəfər var.