ÇL-də həftənin ən yaxşısı seçildi

UEFA Çempionlar Liqası Liqa mərhələsinin 4-cü turunun ən yaxşı oyunçusu müəyyənləşib.

QOL.az UEFA-nın mətbuat xidmətinə istinadən xəbər verir ki, bu, "Sportinq"in hücumçusu Viktor Qyökereş olub. 26 yaşlı isveçli hücumçu sorğuda Luis Dias ("Liverpul"), Karim Konate ("Zalzburq") və Nikolas-Herrit Kyunu ("Seltik") qabaqlayıb.

Qeyd edək ki, Viktor Qyökereş "Sportinq"in "Mançester Siti"ni 4:1 hesabı ilə məğlub etdiyi görüşdə 3 qol vurub. O, bu mövsüm Portuqaliya klubunun heyətində 17 oyuna çıxaraq 23 qol vurub və 4 qolun ötürməsini edib.