Rusiyada 157 il əvvəl istehsal olunmuş partlamamış bomba tapılıb.
525.az Rusiya mətbuatına istinadən xəbər verir ki, insident Sankt-Peterburq şəhərində baş verib.
Sakinlər Petroqrad rayonunda yerləşən Aleksandrovsk parkında tikinti aparılan sahədə bombaya bənzər şübhəli əşyanın olması barədə hüquq-mühafizə orqanlarını məlumatlandırıblar.
Əraziyə gələn mütəxəssislər şübhəli əşyanın 1867-ci ildə çar Rusiyası zamanı istehsal olunmuş mərmi olduğunu bildiriblər.
Onlar təhlükəsizlik tədbirlərinə riayət etməklə mərmini zərərsizləşdirərək ərazidən aparıblar.
Qeyd edək ki, bu tip hallarla Rusiyada tez-tez rastlaşılır. Məsələn, bir müddət əvvəl su anbarlarının biri təmizlənərkən oradan 2-ci dünya müharibəsi dövrünə aid tank tapılmışdı.
L.Tağıyeva
çap et