|
|
|
|
Çinin Xebey vilayətində 666 pianodan ibarət ansamblın çıxışı Ginnes üçün yeni rekord müəyyən edib.
AzərTAc Çin KİV-lərinə istinadla xəbər verir ki, 8 ölkəni təmsil edən pianoçular, o cümlədən peşəkar və həvəskar musiqiçilər, müəllimlər, tələbələr, uşaqlar və gözdən əlillər Çində islahatların başlamasının 40-cı ildönümünə həsr olunan konsertdə 666 piano ifa ediblər.
Uçian qəsəbəsində təşkil olunan konsert zamanı pianoların 40-ı quraşdırılmış səhnədə, qalanları isə meydanda yerləşdirilib.
Ansambldakı pianoların ümumi dəyəri 50 milyon yuan (7,3 milyon ABŞ dolları) olub.
Qeyd edək ki, bundan əvvəlki rekord 2007-ci ildə Cənubi Koreyada 555 pianonun iştirakı ilə qeydə alınmışdı.