|
|
|
|
“Judo Club-2012” nailiiyyətlərini artırır
Yanvarın 8-dən 11-dək Bakıda "Sərhədçi" Olimpiya İdman Kompleksində keçirilmiş yeniyetmə (2002-2004-cü il təvəllüdlü) cüdoçular arasında respublika birinciliyi “Judo Club-2012” idman klubu üçün uğurlu nətcələrlə yekunlaşıb.
Medallar uğrunda 80 klubu təmsil edən 612 cüdoçunun mübarizə apardığı yarışda “Judo Club-2012”-nin yetirmələri 3 qızıl 3 bürünc medal qazanmağa nail olublar. Komanda hesabında isə klub ikinci yeri tutub.
Birinciliyin qızıl medalarını kluba Nicat Məmmədli (-55 kq), Hüseyn Məmmədov (+100) və Zeynəb Məmmədova (-52 kq), bürünc müdalları isə Məmmədrza Hacızadə (-55 kq), Məhəmməd Əhmədov (-81kq) və Aysu Rəhimova (-57 kq) gətiriblər.
Klubun icraçı direktoru, əməkdar məşqçi Hafis Hacıyev bu barədə məlumat verərkən bildirib ki, əldə olunmuş nailiyyəti klubun rəhbərliyinin məşqçilərə və idmançılara göstərdiyi diqqət və qayğının, onlar üçün yaradılmış şəraitin nəticəsi kimi dəyərləndirib.
Xatırladaq ki, “Judo Club 2012” 21 yaşadək olan gənclər (U-21) arasında cüdo üzrə ənənəvi “Raquf Orucov Kuboku” beynəlxalq komanda turnirinin təşkilatçısıdır. Azərbaycanın ərazi bütövlüyünün qorunması uğrunda döyüşlərdə qəhrəmancaına həlak olmuş əfsanəfi kəşfiyyatçı Raquf Orucovun və onun şəhid silahdaşlarının xatirəsinə həsr edilən turnir bu il üçüncü dəfə keçiriləcəkdir. Artıq turnirə hazırlıq işlərinə başlanılıb.
