"2019-cu il mövsümündə "Formula 1" yarışında dəyişikliklər olacaq"
2018-ci il mövsümünün yekunlarına əsasən Azərbaycan Qran Prisi "Formula 1" yarışları arasında ən çox şöhrət qazanıb, eyni zamanda, Bakı möhtəşəm idman məkanıdır.
Trend-in məlumatına görə, bunu "Formula 1" Şirkətlər Qrupunun baş icraçı direktoru Çeyz Kerri deyib.
Ç.Kerri bildirib ki, "Formula 1" Azərbaycanla əməkdaşlıqdan məmnundur və bu tərəfdaşlığa böyük önəm verir: “Qonaqpərvərliyə görə minnətdarlığımı bildirirəm. Azərbaycanda keçirilən bu yarış "Formula 1" yarışları arasında öz yerini tutur”.
İcraçı direktor qeyd edib ki, 2019-cu il mövsümündə "Formula 1" yarışında müəyyən dəyişikliklər olacaq: “2019-cu ildə artıq siz yeni pilotlar görəcəksiniz, komandalarda, təşkilatçilarda dəyişikliklər olacaq. Bunların hamısı yarışın daha yüksək səviyyədə keçirilməsinə xidmət edir”.
