https://525.az/img/pics/medium/2024-03/308264_kym7092gvt.jpg “525-ci qəzet”in 29 mart sayında nələr var? - ANONS
https://525.az/img/pics/medium/2023-12/296969_e268vukrxl.jpg Böyük Qayıdış: uğurla gerçəkləşən taleyüklü proqram
https://525.az/img/pics/medium/2024-02/301307_c4fdiv1vqa.jpg Çaparaq notlar - Firuz Mustafa yazır
https://525.az/img/pics/medium/2023-09/284652_pdttwsp03a.jpg "Sıfırı yeddinin yanından silin..." - Lətif Şüküroğlu yazır
search
29 Mart 2024
28 Mart 2024

“Formula-1”in sabiq rəhbəri mövsümün ləğv olunmasını təklif etdi

“Formula-1”in sabiq rəhbəri mövsümün ləğv olunmasını təklif etdi

“Belə bir durumda bütün mövsümü bağlayar, bu il yarış keçirməzdim. İndiki durumda insanların təhlükəsizliyi üçün mümkün olan yeganə variant budur”.

Apasport.az saytının məlumatına görə, bunu “Formula-1”in sabiq rəhbəri Berni Ekklstoun deyib.

Uzun illər yarışa başçılıq edən funksioner üzücü olan reallığı qəbul etməyə çağırıb: “Bu addım atılsa, heç kim axmaq-axmaq ehtimallar irəli sürməz. Təəssüf ki, Olimpiada ilə bağlı da belə qərar verildi. Məyusedicidir. Amma nə varsa, odur”.

Təşkilatçılar bəzi mərhələləri ləğv edilən, bəziləri təxirə salınan yarışı 15-18 yürüşlə başa vurmaq niyyətindədir. Ekkslstoun bunu real saymır: “Əgər bunu bacarsalar, çox-çox təəccüblənərəm. Amma həqiqətən ümid edirəm ki, onlarda alınacaq. Gələn ilin əvvəlində 3-4 mərhələ keçirmək, onları 2020-ci ilin bir parçası hesab etmək olar. Problem ondadır ki, indi uyğun tras tapmaq mümkün deyil. Bu boşluq “Liberti” üçün də yaxşı şans olar ki, hər şeyi nəzarətə götürsün, promouterlərlə məşğul olsun. Həm də komandalara ödənişləri azaltsın ki, onlar 700 yox, 70 əməkdaşla işləsin”.

Qeyd edək ki, Avstraliya və Monako Qran-Priləri ləğv olunub, Bəhreyn, Vyetnam, Çin, Niderland, İspaniya, Monako və Azərbaycan Qran-Priləri qeyri-müəyyən müddətə təxirə salınıb.

Bölmənin digər xəbərləri
© 2012-2024 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.