"Qarabağ" "Fənərbaxça" və "Qalatasaray"ı geridə qoydu
2020/21 mövsümündə Çempionlar Liqasında mübarizəyə başlayan "Qarabağ"ın yeni UEFA reytinqi müəyyənləşib.
Qol.az xəbər verir ki, son 5 mövsümün nəticələrinə əsasən hazırlanan reytinqdə "Qarabağ" 20.000 xalla "Feyenoord" (İtaliya) və FKSB (Rumıniya) ilə birgə 64-66-ci pillələri bölüşdürür. Ağdam təmsilçisi reytinqdə "Fənərbaxça", "Qalatasaray" (hər ikisi Türkiyə), "Atletik", "Selta", "Real Sosyedad", "Espanyol", "Hetafe" (hamısı İspaniya), "Spartak (Rusiya), "Everton" (İngiltərə) kimi məşhur klubları geridə qoyub.
Siyahıda digər klublarımızdan "Qəbələ" 178-ci, "Neftçi" 221-ci, "Keşlə", "Səbail", "Zirə", "Kəpəz", həmçinin tarixində ilk dəfə bu mövsüm avrokubokda mübarizəyə qoşulacaq "Sumqayıt" isə 312-ci yerdə qərarlaşıblar.
Qeyd edək ki, 427 klubun yer aldığı siyahıya "Bavariya" başçılıq edir (109.000) "Barselona" 2-ci (106.000) "Real" 3-cüdür (105.000).
