"Partizan"dan sonra "Sumqayıt"a qarşı
Bu gün Azərbaycan Premyer Liqasında VI turun növbəti oyunları keçiriləcək.
Qol.Az-ın məlumatına görə, ikinci oyun günündə daha 3 qarşılaşma baş tutacaq.
Bu mövsüm uğurlu çıxışı ilə diqqət çəkən "Simurq" doğma meydanda "Kəpəz"i qəbul edəcək. "Simurq" bu görüşdə qələbə qazanacağı təqdirdə liderliyini qoruyacaq.
Digər oyun isə Sumqayıtda baş tutacaq. Burada yerli "Sumqayıt" komandası "Neftçi" ilə qarşılaşacaq. Avroliqada yeganə təmsilçimiz olan "Neftçi" ölkə çempionatında da uğurlu çıxışını davam etdirmək niyyətindədir.
"Qəbələ" öz meydanında çempionatın autsayderi "Rəvan"ı qəbul edəcək. Fatih Kavlakın komandası qələbə qazanacağı təqdirdə ilk "altılıq"dakı mövqeyini qoruyacaq.
24 sentyabr (bazar ertəsi)
17:00. “Qəbələ” – “Rəvan”
Hakimlər: Rəhim Həsənov, Nahid Əliyev, Ramiz Əsədov, Fərid Məmmədov
Qəbələ şəhər stadionu.
17:00. “Sumqayıt” – “Neftçi”
Hakimlər: Vüsal Əliyev, Mehman Mahmudov, Azər Əsgərov, Tahir Əhmədov
Mehdi Hüseynzadə adına Sumqayıt şəhər stadionu.
18:00. “Simurq” – “Kəpəz”
Hakimlər: Orxan Məmmədov, Vaqif Musayev, İsgəndər Əliyev, Feyzulla Feyzullayev
Zaqatala şəhər stadionu.
“Xəzər Lənkəran” – “Bakı” oyunu təxirə salınıb.
