Qol.Az-ın məlumatına görə, azərbəycanlı azarkeşlərin də maraqla gözlədiyi oyun Portuqaliyada baş tutub. Belə ki, “Benfika” öz meydanında “Fənərbaxça”nı qəbul edib. Bu komandalar arasındakı ilk oyun Türkiyə təmsilçisinin 1:0 hesablı qələbəsi ilə başa çatmışdı. "Fənərbaxça" ilk dəfə avroliqanın finalına vəsiqə qazanaraq tarixi uğura imza atmağa yaxın olsa da, 1:3 hesabı ilə uduzaraq bunu bacarmayb. İki oyunun nəticəsinə görə 3:2 hesabı ilə "Benfika" üstün olub və finala vəsiqə qazanıb. Digər oyunda “Bazel” "Çelsi"nin qonağı olub. İlk oyunda rəqib meydanında 2:1 hesabı ilə qalib gələn ingilis klubunun əvvəlcədən şansı çox görünürdü. Oyunda ilk qolu qonaqlar vursa da, "Çelsi" bunun əvəzini on dəqiqə ərzində vurduğu üç qolla çıxıb. Beləliklə görüş 3:1 hesabı ilə meydan sahiblərinin xeyrinə başa çatıb və London klubu adını finala yazdırıb.
Beləliklə avroliqanın finalında "Çelsi" və "Benfika" qarşılaşacaq.