Bu gün Çempionlar Liqasının qrup mərhələsində beşinci tura yekun vurulub.
525.az-ın Qol.az-a istinadən verdiyi məlumata görə, turnirdəki təmsilçimiz “Qarabağ” öz meydanında “Çelsi”ni qəbul edib. Ağdam klubu 0:4 hesabı ilə uduzub.
Bu komandalar arasında Londonda keçirilən ilk görüşdə də "Çelsi" 6:0 hesabı ilə qalib gəlmişdi.
Qeyd edək ki, Qurban Qurbanovun komandası ÇL-in qrup mərhələsində sonuncu oyununu səfərdə "Roma"ya qarşı keçirəcək.