Milli Məclisin (MM) Elm və təhsil komitəsinin dünən keçirilən iclasında "Ümumi təhsil haqqında" yeni qanun layihəsinin hazırlanması məqsədilə yaradılmış İşçi Qrupunun tərkibinin təsdiqi məsələsinə baxılıb.
Adıçəkilən komitənin sədri, akademik İsa Həbibbəyli adıçəkilən sənədin hazırlanmasını vacib və əhəmiyyətli hesab edib.
O, bildirib ki, ölkənin ümumi təhsil sistemində böyük dəyişikliklər baş verib və bu dəyişikliklər yeni qanunun qəbulunu vacib edir:
"Biz ümumi təhsil sistemimizdə baş verən dəyişikliklərə uyğun olaraq, belə bir qanun layihəsinin hazırlanmasını vacib saydıq. Bunu təhsilimizin inkişafına çox böyük təsiri olacaq. Əlimizdə də xeyli materiallar var. Yay dövründə də onlara baxacağıq və sentyabr ayında ilkin variantı ortaya qoyacağıq".
Müzakirələrdən sonra İ. Həbibbəylinin sədrliyi ilə İşçi Qrupunun tərkibi təsdiqlənib.
Kamil HƏMZƏOĞLU
çap et