"Bu gün nazirlər tərəfindən həmişə xüsusi vurğulanan bir element yenidən təsdiqlənmiş oldu. Bildirildi ki, Aİ-nin Şərq Tərəfdaşlığı ölkələrinin ərazi bütövlüyü və suverenliyi ilə bağlı qəti mövqeyi var".
APA-nın xəbərinə görə, bunu Aİ-nin təhlükəsizlik və xarici siyasət üzrə nümayəndəsi Federika Moqerini xarici əlaqələr şurasının iclasından sonra deyib.
"Biz "Şərq Tərəfdaşlığı" proqramına üzv olan 6 ölkənin hər biri ilə 2020-ci ilə qədər 20 konkret layihənin inkişafına dair qəbul olunmuş qərarları həyata keçirmək üçün çox sıx əməkdaşlıq edirik", - deyə, Moqerini əlavə edib.
çap et