“Azərbaycan Hava Yolları” (AZAL) QSC-nin təyyarəsinin uçuşuna heç bir təhlükə olmayıb.
Bunu Trend-ə ötən gün Moskva üzərində baş vermiş hadisəni şərh edərkən deyiblər.
Qeyd olunub ki, ötən gün “Domodedovo” hava limanından Penzaya uçan təyyarə Bakıdan “Vnukovo”ya hərəkət edən təyyarə ilə üz-üzə gəlib.
AZAL-ın təyyarəsi uçuş hündürlüyünü azaldarkən Penzaya hərəkət edən təyyarə hündürlüyünü artırmağa başlayıb. Lakin təyyarələr heç bir insident qeydə alınmadan təhlükəsiz şəkildə uçuşlarını davam etdirib.