“Türkiyə və Azərbaycan arasında müvafiq qurumlar tərəfindən ikitərəfli iqtisadi və ticari əlaqələri gücləndirəcək anlaşma layihələrinin qısa müddətdə yekun varianta gətirilməsi önəmlidir”.
APA-nın məlumatına görə, bunu Azərbaycanda rəsmi səfərdə olan Türkiyənin Vitse-prezidenti Fuat Oktay Azərbaycan-Türkiyə iqtisadi əməkdaşlıq üzrə Birgə Hökumətlərarası Komissiyanın iclasından sonra keçirilən mətbuat konfransında bildirib.
F. Oktay Türkiyə tərəfindən həmin anlaşmaların ölkə daxilində təsdiqlənməsi prosesini diqqətdə saxlayacağını söyləyib:
“Azərbaycan tərəfində də Ali təhsil sahəsində əməkdaşlıq Protokolu və sürücülük vəsiqələrinin qarşılıqlı tanınmasına dair anlaşmanın ölkə daxilində təsdiqlənməsi prosedurunun ən qısa müddətdə tamamlanacağına inanıram”.
çap et