Moskvada İdliblə bağlı Rusiya və Türkiyə nümayəndə heyətləri arasında keçirilən görüş başa çatıb.
APA-nın yerli bürosunun xəbərinə görə, bu barədə “Sputnik Türkiyə” məlumat yayıb.
Görüşdən sonra Türkiyənin Xarici İşlər naziri Mövlud Çavuşoğlu Moskvada İdliblə bağlı aparılan danışıqlar haqda danışıb. O bildirib ki, qarşılıqlı şəkildə atəşkəsin bərpa edilməsi, Soçi razılaşmasına əməl edilməsi və digər məsələlər müzakirə edilib.
“Moskvada aparılan danışıqlarda nəticə əldə olunmasa, qarşıdakı günlərdə liderlər səviyyəsində görüşlər keçirilə bilər”, - deyə Türkiyə XİN başçısı vurğulayıb.
çap et