Rotterdam Şəhər Şurasının üzvləri 2021-ci ildə Eurovision Mahnı Müsabiqəsinin keçirilməsinə səs veriblər.
APA-nın RİA Novosti-yə istinadən verdiyi xəbərə görə, bu barədə "NL Times" xəbər portalı məlumat yayıb.
Bildirilib ki, yarışmanın bu il planlaşdırıldığı yerdə - “Ahoy” konsert salonunda keçirilməsi planlaşdırılır. Təşkilatçılar salonun kirayə xərcləri, təhlükəsizlik və reklam nişanları ödəmək üçün əlavə 6.7 milyon avro xərcləmək niyyətindədirlər.
Məlumata görə, 2020-ci ildə planlaşdırılan sözügedən Rotterdam yarışması üçün artıq 15 milyon avro xərclənib.
Qeyd edək ki, "Eurovision" təşkilatçıları bu il Rotterdamda keçirilməsi nəzərdə tutulan müsabiqəni epidemiya təhlükəsi səbəbindən ləğv edib. Müsabiqənin 2021-ci ildə keçirilməsi qərara alınıb.
çap et