525.Az

Dünyadakı milyarderlərin sayı rekord həddə çatıb


 

Dünyadakı milyarderlərin sayı rekord həddə çatıb<b style="color:red"></b>

Dünyadakı milyarderlərin sayı və onların ümumi sərvəti 2019-cu ildə rekord həddə olub.

“Report” RBK-ya istinadən xəbər verir ki, bunu “Wealth-X” şirkətinin hesabatı göstərir.

Araşdırmaya görə, 2019-cu ildə dünyada 2 825 milyarder olub ki, bu, öncəki illə müqayisədə 221 nəfər və ya 8,5% çoxdur. Onların ümumi sərvəti illik müqayisədə 10,3% artaraq 9,4 trilyon ABŞ dollarına çatıb.

Şirkətin versiyasına görə, 2019-cu ilin yekunları üzrə milyarderlərin sayına görə ölkələrin sıralamasında TOP-5 belədir: ABŞ (788 nəfər), Çin (342 nəfər), Almaniya (153 nəfər), Rusiya (114 nəfər), İsveçrə və Böyük Britaniya (hərəsində 100).

ABŞ dolları milyarderlərinin sayı çox olan ölkələrin və ərazilərin siyahısına həmçinin Honkonq, Hindistan, Səudiyyə Ərəbistanı, Fransa, İtaliya, Braziliya, Birləşmiş Ərəb Əmirlikləri, Kanada və Sinqapur da daxildir. Adıçəkilən bu 15 ölkədə dünyadakı milyarderlərin dörddə üçündən çoxu yaşayır.

Ən çox milyarder - 113 nəfər Nyu Yorkda yaşayır. Ardınca Honkonq və San Fransisko gəlir: müvafiq olaraq 96 və 77 milyarder. Siyahıda dördüncü sırada isə Moskva (73 nəfər) qərarlaşıb.

 





01.07.2020    çap et  çap et