525.Az

Elçin Quliyev İrana səfər edəcək


 

Elçin Quliyev İrana səfər edəcək<b style="color:red"></b> Azərbaycan Dövlət Sərhəd Xidmətinin (DSX) rəisi Elçin Quliyev ilin ikinci yarısında İrana səfər edəcək. Bu barədə Trend-ə İranın Azərbaycandakı səfirliyindən məlumat verilib.

Məlumata əsasən, bu gün İranın Azərbaycandakı səfiri Möhsün Pakayin DSX-nin rəisi, Sərhəd Qoşunları komandanı general-leytenant E.Quliyevlə görüşüb və İran Sərhəd Polisinin komandanı Hüseyn Zülfüqarinin rəsmi dəvət məktubunu E.Quliyevə təqdim edib.

Görüşdə M.Pakayin E.Quliyevin İrana səfərinin iki ölkənin sərhədlərində təhlükəsizliyin təmin edilməsi və narktoiklər və insan qaçaqmalçılığına qarşı birgə mübarizənin gücləndirilməsinə müsbət təsir edəcəyini bildirib.

DSX rəisi iranlı həmkarının dəvətini qəbul edib və ilin ikinci yarısında Tehrana səfər edəcəyini vurğulayıb.

E.Quliyev, həmçinin iki ölkə arasındakı sərhədləri qardaşlıq və dostluq nümunəsi adlandırıb.
 




09.06.2014    çap et  çap et