Azərbaycanın Xarkovdakı fəxri konsulluğunun təşəbbüsü ilə 20 yanvar faciəsinin 25-ci il dönümü ilə bağlı xarkov şəhərində anım mərasimi keçirilib.
Xarkov Vilayət Dövlət admnistrasiyası rəsmilərinin ,diplomatların və diaspora fəallarının qatıldığı tədbirdə dövlət müstəqilliyimiz uğrunda canlarını fəda etmiş qəhrəman oğul və qızlarımızın xatirəsi 1 dəqiqəlik sükutla yad edilib.
Anım mərasiminə qatılanlar ilk öncə Azərbaycan Televiziyasının hazırladığı Qanlı Yanvar sənədli filminə baxmaqla 25 il bundan öncə totalitar sovet hakimiyyətinin Azərbaycanda həyata keçirtdiyi amansız qətliamlarla tanış olublar.
Mərasimdə çıxış edən Azərbaycanın Xarkov şəhərindəki fəxri konsulu Əfqan Salmanov 25 il bundan öncə müasir silahlarla yaraqlanmış 30 mindən çox sovet qoşunlarının Azərbaycanda hərbi siyasi cinayət törətdiyini diqqətə çatdırıb.
Müdhüş 20 yanvar gecəsində Azərbaycanın cəsur oğul və qızlarının göstərdiyi qəhrəmanlıq şücaətindən söz açan fəxri konsul müstəqil Azərbaycan dövlətinin qurucuları kimi tarixə düşən şəhidlərimizə ümumxalq sevgisindən bəhs edib.
Bu gün Azərbaycanın 20 faiz torpaqlarının erməni işğalı altında olduğunu diqqətə çatdıraraq , prezident İlham Əliyevin əmrinə əsasən qüdrətli Azərbaycan ordusunun qisa bir zamanda torpaqlarımızı düşmən tapdağından azad etməyə hazır olduğunu vurğuayıb.
Tədbirdə Xarkov vilayət Dövlət Admnistrasiyasi başçısının müavini Yevgeniy Şaxnenko,Xarkov vilayət deputatlar şurasının sədr müavini Lyudmila Davıdova və digər rəsmi şəxslər çıxış edərək,tarix boyu dövlət müstəqilliyi uğrunda mübarizə aparan Azərbaycan və Ukrayna xalqlarının böyük məşəqqətlərə məruz qaldığlarını bildiriblər.
Hər iki xalqın müstəqillik və azadlıq yolunda çoxsaylı qurban verdiklərini qeyd edən dövlət rəsmiləri 25 il bundan öncə qanları bahasına dövlət müstəqilliyini qoruyub saxlayan Azərbaycan xalqına güc bə müdrüklük , işğal altında olan torpaqlarının tez bir zamanda geriyə qaytarılmasını arzulayıblar.
Mərasimdə Azərbaycan xalqının şan və şərəf tarixi olan 20 yanvar hadisələrinin dünya durduqca qəhrəmanlıq təcəssümü kimi xatırlanacağı bildirilib
Möhsüm Qədiroğlu
çap et