525.Az
Intel-in yeni baş direktorunun adı açıqlanıb
Brayan Krjaniç Intel şirkətinin yeni baş direktoru olacaq.
O, bu vəzifədə şirkətə səkkiz il rəhbərlik etmiş Pol Otellinini əvəz edəcək. Öz xahişi ilə istefa verən P.Ottelinin şirkəti tərk edəcəyi 2012-ci ilin noyabrında elan edilmişdi.
Lenta-nın məlumatına görə, yeni rəhbər vəzifəsini Intel-in səhmdarlarının mayın 16-da keçiriləcək yığıncağında tutacaq. Həmin gün şirkətin yeni prezidenti xanım Rene Ceyms də vəzifə səlahiyyətlərinin icrasına başlayacaq.
B.Krjaniç 30 ildən çoxdur Intel-də çalışır. O, 1982-ci ildə Intel-in istehsal müəssisəsində idarəedici vəzifəsinə qəbul edilib. 2012-ci ilin yanvarından B.Krjaniç əməliyyat direktoru vəzifəsini tutub.
O, Intel-in tarixində say etibarilə altıncı baş direktor olacaq.
03.05.2013 çap et