Dünyanın ən çox izlənən serialları arasında yer alan və Amerika istehsalı olan “Taxt oyunları”nun yeddinci mövsümünün son epizodu baxış sayına görə rekord vurub.
AzərTAc xəbər verir ki, bu barədə “Associated Press” məlumat yayıb.
Məlumata görə, ümumilikdə televiziya və internet kanalları üzərindən serialın son epizodunu 16,5 milyon tamaşaçı izləyib.
“Əjdaha və canavar” adlı epizodun müddəti 80 dəqiqə təşkil edib ki, bu da serial tarixində ən uzun epizod olub.
Qeyd edək ki, serial 2015-ci ildə ABŞ-dakı film çəkilişlərinə görə “Emmy” mükafatlarına layiq görülüb.
çap et