“Jaguar Land Rover” (JLR) şirkəti 2020-ci ildən etibarən istehsal ediləcək bütün avtomobillərinin hibrid mühərrik və ya elektrik olacağını bildirib.
BBC Rusiyanın xəbərinə görə, bunu şirkət öz açıqlamasında bildirib.
Şirkətin yeni modelləri sırasında ilk elektrik mühərrikli Jaguar I-Pace 2018-ci ildə satışa çıxarılacaq.
JLR-nin icraçı direktoru Ralf Spet yeni istehsal olunacaq maşınların “müştərilərə daha çox seçim” verəcəyini bildirib.
Kompaniya ilk avtomobilləri olan E-type Zero markalı maşının da elektrik növünün hazırlandığını bildirib. Lakin bu maşın satışa çıxarılmayacaq.
Qeyd edək ki, Böyük Britaniyanın ən iri avtomobil istehsalçısı olan JLR-ə Hindistanın transmilli “Tata Group” şirkəti nəzarət edir.
Zeynəb ƏKBƏR