Azərbaycanın İsveçrədəki səfirliyi bu ölkənin deputatlarının Azərbaycanın işğal altında olan ərazilərinə qanunsuz səfərinə etiraz olaraq bu ölkənin Xarici İşlər Nazirliyinə nota təqdim edib.
APA-nın məlumatına görə, bu barədə jurnalistlərə Azərbaycan XİN mətbuat katibi Elman Abdullayev bildirib. Onun sözlərinə görə, İsveçrə Xarici İşlər Nazirliyi belə bir səfərin olduğunu təsdiqləsə də, səfərin şəxsi xarakter daşıdığını bildirib. İsveçrə XİN bu ölkənin Azərbaycanın ərazi bütövlüyünü tanıdığını bir daha bəyan edib.
Qeyd edək ki, Ueli Loyenberq və Dominik de Byumanın rəhbərliyi ilə İsveçrə parlamentində Ermənistanla dostluq qrupunun üzvlərindən ibarət heyət Azərbaycanın işğal altında olan ərazilərinə səfər ediblər.
çap et