525.Az

Azərbaycan filmləri beynəlxalq festivalın finalında


 

Azərbaycan filmləri beynəlxalq festivalın finalında<b style="color:red"></b>

Azərbaycan filmləri - "Nar bağı" və "Üçüncü günün adamı" Türkiyədə 5-ci Antakya Beynəlxalq Film Festivalının uzunmetrajlı film müsabiqəsinin finalında mübarizəyə qatılacaq.

Hər iki film Mədəniyyət və Turizm Nazirliyinin sifarişi ilə ekranlaşdırılıb.

C.Cabbarlı adına "Azərbaycanfilm" kinostudiyası və "Buta Film" kino şirkətinin birgə istehsalı olan "Nar bağı" filminin ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu rejissoru İlqar Nəcəf, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir. Baş rollarda Qurban İsmayılov, İlahə Həsənova, Səmimi Fərhad, Həsən Ağayev Rövşən Kərimduxt və digərləri oynayıblar.

Kinostudiyanın istehsalı olan "Üçüncü günün adamı" filminin quruluşçu rejissoru Babək Şirinsifət, ssenari müəllifi Maqsud Qarayşa, quruluşçu operatoru Rafiq Quliyev, quruluşçu rəssamları Rafiq Nəsirov, Arif Niftiyev, bəstəkarı Firudin Allahverdi, icraçı prodüserləri Tərlan Babayev, Arif Səfərov, prodüseri Müşfiq Hətəmovdur. Ekran əsərində rolları Hikmət Rəhimov, Rasim Cəfərov, Kamran Ağabalayev, Nicat Həbibov, Vidadi Əliyev, Mehriban Zəki, Mətanət Abbasova, Xalidə Quliyeva, Zarina Qurbanova, Məmməd Səfa və Ayşad Məmmədov canlandırıblar.

Festival dekabrın 12-dək davam edəcək.

ŞAHANƏ

 





07.12.2017    çap et  çap et