Rada Donbas haqqında qanun layihəsinə baxılmasını təxirə saldı

Ukrayna Ali Radası “Donbasın reinteqrasiyası haqqında” qanun layihəsinin müzakirəsini növbəti plenar iclasadək təxirə salıb.

APA-nın “Gazeta.ru”ya istinadən verdiyi xəbərə görə, bu barədə Ukrayna parlamentinin saytında bildirilir.   

“Ümumilikdə, 673 düzəlişdən 482-sinə baxılıb. Düzəlişlərin baxılması növbəti plenar iclasda davam etdiriləcək”, - deyə məlumatda bildirilir. 

Növbəti plenar iclas yanvarın 17-də keçiriləcək.