Fırtına qopanda döyüşür onlar.
Atdığı güllələr quma çevrilir,
Sahilə çatanda görüşür onlar.
lll
Diləmişəm istədiyim arzunu,
Əynimdəki libas belə arzudu.
Dırnağımla yer eşirəm özümə,
Bu həyatdı, başdan-başa ruzudu.
Zaur SAHİL
BİZİM HƏRBİ HİSSƏ
Bizim hərbi hissə dəniz kimidir,
İçini binalar gəmi tək bəzər.
Mavi düzənlikdir sıra meydanı,
Dənizin içində adaya bənzər.
Əsgərlər şütüyür binalarına,
Qalxdıqca qalxırlar göyün üzünə.
Birinin gözləri dalğa qoparır,
Birinin əks olur dəniz üzünə.
Əsgərlər dənizi dalğalandırır,
Fırtına qopanda döyüşür onlar.
Atdığı güllələr quma çevrilir,
Sahilə çatanda görüşür onlar.
lll
Diləmişəm istədiyim arzunu,
Əynimdəki libas belə arzudu.
Dırnağımla yer eşirəm özümə,
Bu həyatdı, başdan-başa ruzudu.
Dünən payız həvəsliydim, deyəsən,
Ürəyimdə saralmışdı arzular.
Təbiətin axşam vaxtı gəlmişdi,
Gözlərimdə qaralmışdı arzular.
Əsgərlərim silah geyib çiyninə,
Barıt kimi atırdılar addımı.
Hey komandir desələr də adıma,
Soruşuram,unutmurlar adımı.
Qarabağa qara-qara gedirdik,
Lələtəpə mayakımız olubdu.
Apreldəki döyüş bizi gözləyir,
Səbrimizin kasaları dolubdu.
Əsgər
Hər əsgər bir hərifdir,
Düzülüşü şeirdir.
Hər addımı tərifdir,
Hər baxışı sehirdir
Misra-misra görünür,
Heca vəzni içində.
Bir ürək tək döyünür,
Dözmü, əzmi içində.
Əynindəki paltarı,
Göy qurşağın andırır.
Çiynindəki qatarı,
Silahını yandırır.
Hər zaman dava edir,
Soyuqlarda üşümür.
İrəli! - deyib gedir,
Geri dönmək düşünmür.
lll
Hər gün atdığım
güllələrin məsafəsi qədər
yol gedirəm.
Şuşaya çatanda, dayanacağam.
Vaqif babam, Natəvan nənəm,
Evinizə qonaq gəlib,
Dönüb ev yiyəsinə
yanınızda qalacağam.
Rəvan CAVİD
ŞƏHİD ATASININ DEDİKLƏRİ
Dünən zəng gəldi bizə
- oğlumuzdan deyildi,
Amma bir əsgər səsi oğlumuzdan deyirdi:
“Bu gün gecə yarısı səngərdə şəhid oldu!”
Susdum...
içim qürurla,
gözlərim yaşla doldu.
Səhər onu mən deyil, bayraq qucaqlamışdı,
yatmağa gedirdi o,
yerinə yox, torpağa.
Başına sığal çəkmək istəmişdim son dəfə,
o başını uzatdı dalğalanan bayrağa.
Vətən, nə gözəl cənnət,
Oğlum, nə gözəl bəndə...
Atası qurban olduğum vətənə qurban olsun!
Mənim başım enməsin,
vətənimin bayrağı,
oğlumun qəbri nurlu, cənnəti-məkan olsun.
Mən getmədən yanına
Vətən gəldi evimə -
dedi: “Üzün ağ olsun!”
Dedilər: “Oğlun Şəhid”,
Dedim: “Vətən sağ olsun!”
QƏRƏNFİL HÜZNÜ
Bakı...qərənfil yurdum,
Qərənfillərdən sənə qürur tacını qurdum.
Şəhid oldu gül-çiçək,
O gecədən sağ çıxıb qərənfillər səhərə,
Birinci onlar bildi şəhidlərin adını,
Car çəkdilər şəhərə.
Məzarlara yatdılar
Şəhidlərin torpağı çiçək qoxusun deyə.
Hər kəs bildi acını,
Qərənfillər bilmədi qurban getdilər nəyə.
Ağlama atam, anam,
Bu gün vətən bayrağı qürur göz yaşlarıyla
əl eyləyir sabaha.
Cənnətin Bakı yolu Şəhidlər Xiyabanı,
Bu gün Bakı sakitdi,
bu gün Bakı bir az da
qərənfillər meydanı.
Əfsanə RƏVAN
ŞƏHİD BALASI
Baxma belə məzlum,Şəhid balası,
Nisgil baxışına, gözünə qurban.
Bilirəm, içində fəryadlar qopur,
Sənin hər kəlmənə, sözünə qurban.
Əlində rəsmini tutduğun adam,
Vətənin uğrunda ölən igiddir!
Boynu buruq durma kənarda, balam,
Fəxrlə söylə ki, atan Şəhiddir.
Od qoyma qəlbimə belə baxışla,
Gözünün yaşını itir yağışla.
Şəhid övladısan, bu addan başqa,
Verəcək bir şey yox sənə, bağışla.
AXDI GÜNAHSIZCA MİLLƏTİN QANI
Bir səhər oyandım güllə səsinə,
Dərk edə bilmirdim baş verir nələr.
Gördüm hamı qaçır ayağı yalın,
Sanki yuxu idi bu hadisələr.
Hərə bir əzizin itirdi o gün,
Kimi əsir düşdü, kimi məhv oldu.
Həmin gün, göylər də ağladı bizə,
Gör neçə Ananın gözləri doldu.
Axdı günahsızca millətin qanı,
Hər tərəf qırmızı rəngə boyandı.
Unutmaq olarmı həmin o anı,
İlahi, bu necə ahdı, fəğandı?!
Hələ qulağımdan getməyir, Allah,
Ana fəryadları, uşaq naləsi.
Axı məzlumlarda yox zərrə günah!
Nədir düşmənlərin bizə hiyləsi?!
...və bitdi İlhamla Fərizə eşqi,
Bitdi məhəbbəti sevən canların!
Bir gün alınacaq qisası, bir-bir,
Qanı küçələrdə göl olanların!
Nofəl ÜMİD
BİR KƏND QOYUB GƏLMİŞƏM...
Tarlalar şumlanmış, bağlar əkilmiş,
Torpağın bağrına cızlar çəkilmiş,
Üzü günə boy-boy evlər tikilmiş,
Bir kənd qoyub gəlmişəm...
Dolu evlərimiz yerli,yataqlı,
Bütün otaqları əli çıraqlı,
Qapıları açıq,yolları bağlı,
Bir kənd qoyub gəlmişəm...
Ruh oxşayan, könül açan, səfalı,
Torpağı nur, bərəkətli, şəfalı,
Bulaq suyu, ov əti, dağ havalı,
Bir kənd qoyub gəlmişəm..
Bütün mümkünlərdən kəsilmiş yolu,
Artıq ümidlərdən qırılmış qolu,
Köksü parça-parça, gözləri dolu,
Bir kənd qoyub gəlmişəm...
Çatmaz ona cənnət olsa siz görən,
Döz ürəyim, bu həsrətə döz, dirən,
Hər yanında xoş xatirə gəzdirən,
Bir kənd qoyub gəlmişəm...
BU GÜNÜN SABAHI VAR 
Vətən, sənin hər daşına qurbanam,
Hər daş altda bir şəhidin ruhu var.
Sevinc gəzə bilməz yaralı könlüm,
Ürəyimdə anaların ahı var.
Əsirlikdə elim var, axtarmıram,
Çəkir zülüm, dərd, qübar axtarmıram,
Bu halına günahkar axtarmıram,
Vətən deyən hər kəsin günahı var.
Dünya gəzən şöhrətimə göz dikib,
Əsir tutub, qeyrətimə göz dikib,
Torpağıma, sərvətimə göz dikib,
Düşmənimin çox gözəl iştahı var.
Vətən oğlu, torpağa yas saxlama,
Hər verilən vədə ümid bağlama,
Müjdə gözlə, dik dur, Anam ağlama,
Alacağıq, bu günün sabahı var..!
VƏTƏN
Həsrətindən yandı bağrım,
Çatmır sənə əlim, Vətən.
Məni bağışla deməyə,
Susub,gəlmir dilim, Vətən.
Hey bölünüb, parçalanıb,
Sinəsində od qalanıb,
Həm satılıb, həm talanıb,
Hanı bütöv elim, Vətən?!
Gün gələ keçim qarşına,
Çıxım dağların başına,
Üzümü sürtüm daşına,
Qucağında ölüm, Vətən.
çap et