525.Az

"Mərkəzi Bank banklara yetərincə nağd valyuta satışını həyata keçirib"


 

"Mərkəzi Bank banklara yetərincə nağd valyuta satışını həyata keçirib"<b style="color:red"></b>

"Azərbaycanda devalvasiya üçün heç bir makroiqtisadi əsas yoxdur". 

"APA-Economics"in məlumatına görə, bunu bu gün Bakıda "Kredit Məlumatları Təchizatçılarının Regional Assosiasiyası"nın təsis edilməsinə həsr edilməsinə konfransda Maliyyə Bazarlarına Nəzarət Palatasının Baş İcraçı Direktoru İbrahim Alışov deyib. 

"Son bir həftə ərzində Azərbaycanın əsas ticarət tərəfdaşı olan ölkələrdə, Türkiyə, Rusiya kimi ölkələrdə valyuta qiymətlərinin milli valyutaya nisbətdə volatilliyi Azərbaycanda da psixoloji gərginlik yaratmaqda idi.

Bizim müşahidələr və apardığımız təhlillər onu göstərir ki, bankların heç birində nağd valyuta tələbatlarını qarşılamamaq kimi problemləri yoxdur. Mərkəzi Bank yetərincə banklara, bank filiallarına yetərincə nağd valyuta satışını həyata keçirir. Bu sadəcə psixoloji amildir.

Apardığımız təhlil göstərir ki, burada alışı həyata keçirən daha çox əhali qrupudur. Bizim apardığımız hesablamalara görə son 1 həftə ərzində ortalama valyuta alışı adambaşına 800-1300 dollar olub. Bu onu deməyə əsas verir ki, sadəcə qonşu ölkələrdə baş verən hadisələrlə əlaqədar psixoloji amillərdən əhali qrupu bir az təşvişə düşüb. Azərbaycanda bunun üçün heç bir makroiqtisadi əsas yoxdur", - deyə İ.Alışov vurğulayıb.

 





17.04.2018    çap et  çap et