"Loqos"un Azadlıq filialında Azərbaycan Mətbuat Şurası, Psixoloji Xidmət və Tədqiqatlar İctimai Birliyi (PXTİB),"Loqos" Psixoloji və Nitq İnkişaf Mərkəzinin birgə həyata keçirəcəyi "Vətəndaş Cəmiyyətinin psixoloji maarifləndirilməsi və Media" layihəsinin seçim mərhələsi olub.
Seçim mərhələsində "Loqos" PNİM-in rəhbəri Təranə Məmmədova, Yazıçılar Birliyinin katibi, "525-ci qəzet"in baş redaktoru Rəşad Məcid, Milli Ensiklopediyanın direktor müavini şair Vaqif Bəhmənli, Beynəlxalq Avrasiya Mətbuat Fondunun sədri, Mətbuat Şurasının sədr müavini Umud Mirzəyev, "Loqos" jurnalının baş redaktoru Rəhilə Gülgün, PXTİB-nin icraçı direktoru Leyla Kərimova iştirak ediblər.
Seçim mərhələsində "Vətəndaş Cəmiyyətinin psixoloji maarifləndirilməsi və Media" layihəsində iştirak etmək üçün qeydiyyatdan keçən jurnalistlər qəbul edilib və onlara layihə haqqında ətraflı məlumat verilib.
Məlumat üçün bildirək ki, çoxsaylı media nümayəndələrinin müraciətlərini nəzərə alaraq layihədə iştirak etmək üçün qeydiyyat müddəti mayın 26-na kimi uzadılıb.
Layihədə iştirak etmək istəyən media nümayəndələri həmin tarixə qədər "Loqos"un Azadlıq filialına müraciət edib anket formasını doldura bilərlər.
Layihənin açılış mərasimi mayın 29-da keçiriləcək.
Şahanə MÜŞFİQ
çap et