Mayın 9-da Helsinki komissiyası tərəfindən ABŞ konqresində Azərbaycanla bağlı dinləmələr keçirilib.
Dinləmələrdə çıxış edən Emin Milli Əli Kərimli və onun timsalında radikal müxalifət haqqında tənqidi fikirlər səsləndirib. E.Millinin radikal mexalifətin və onun satellit QHT-lərinin “haqqını” və ayrılan qrantları təkbaşına mənimsəmək cəhdi digər “qrantyeyənlərin” ciddi qəzəbinə səbəb olub.
Tərəflər arasında sosial şəbəkələrdə qrant uğrunda mübarizə özünü aşkar şəkildə biruzə verir, hətta təhqiramiz şəkil alıb.
ABŞ-da yaşayan jurnalist Sevinc Osmanqızı ilə Xədicə İsmayılın bir-birinə qarşılıqlı ittihamları xüsusi ilə diqqətçəkən olub. Xədicə İsmayıl Sevinc Osmanqızını “Meydan TV”nin direktoru olmaq üçün mübarizə apardığını və buna görə oradan qovulduğunu, Rəsul Quliyevin vəsaiti ilə proqram hazırlamaq istədiyini bildirib. S. Osmanqızı isə öz növbəsində X.İsmayılı xəstə adlandırıb.
Natiq Adilov Emin Millini saxtakarlıqda və qrant üçün fəaliyyət göstərməkdə ittiham edib, eyni zamanda müxalifəti fəaliyyətsizlikdə günahlandıran vəkil Aslan İsmayılov haqqında tənqidi status yazıb. O, Aslan İsmayılovun səmimi olmadığını, sadəcə maşa rolu oynadığını qeyd edib. Natiq Adilov hesab edir ki, Aslan İsmayılov sadəcə olaraq sifarişlə işləyən müqəvvadır.
Cəmil Həsənli də “Meydan TV”nin aldığı qrantları doğrultmadığnı yazıb. Görünür, “Meydan TV”yə ayrılan iri həcmli qrantlar C.Həsənlini ciddi narahat edir. Belə aydın olur ki, bütün müxalifət düşərgəsində qrant uğrunda amansız mübarizə gedir.
Kamil Vəli Nərimanoğlu isə Emin Millini Emin Zilli adlandırıb.
Gördündüyü kimi, Azərbaycan xalqına ağıl dərsi keçməyə çalışan, meydana, mitinqlərə səsləyən müxalifət başçıları, fəalları və “5-ci kolon” ulduzları qənimət üçün bir-birilərini təhqir etməkdən belə çəkinmirlər.
Qrant uğrinda bir-birinə qənim kəsilən bu insanların daha şirnikdirici təkliflər qarşısında gözlərini qırpmadan öz vətənlərini, dövlətlərini satacaqları şəksizdir.
çap et