"Sərnişin sıxlığını tənzimləmək üçün insanlar evdə oturmalıdırlar. Martın 31-də metroda 66 531 nəfər sərnişin olub, ayın 1-i ekspress xətlə 66 mindən çox sərnişin daşınıb".
APA-nın məlumatına görə, bunu Nazirlər Kabineti yanında Operativ Qərargahın mətbuat konfransında Bakı Nəqliyyat Agentliyinin İdarə Heyətinin sədri Vüsal Kərimli bildirib.
"Avtobus yolla hərəkət edir, ona görə də bəzi qurumlar yol və infrastruktur işləri görəndə bizimlə çox ciddi koordinasiya etməlidir. 2000 avtobus əvvəl eyni anda 80-100 sərnişin daşıyırdısa, indi sıxlığı azaltmaq üçün 3-4 qat artıq nəqliyyat lazımdır. Nəqliyyat sıxlığı Türkiyə və digər ölkələrdə də var. Hökumətin investisiya və infrastrukturu sayəsində Azərbaycanda normal iş saatlarında yox, yalnız pik saatlarda sıxlıq olur. Bir daha əhaliyə səslənirəm ki, bir az məsuliyyətli olsunlar. Gündəlik davranışları dəyişmək lazımdır”, - deyə V. Kərimli vurğulayıb.
çap et