ABŞ Müdafiə Nazirliyi Rusiya və Çinin artan hərbi imkanlarına cavab olaraq iki yeni nüvə silahı hazırlayır.
APA-nın məlumatına görə, bu barədə “The Wall Street Journal” xəbər yayıb. Məlumata əsasən silahlar ABŞ-ın yenilənmiş nüvə strategiyası çərçivəsində hazırlanacaq.
Yeni silahlardan biri "Trident II" ballistik raketlərinə yerləşdiriləcək az gücə malik nüvə başlıqlarıdır. Hazırda ABŞ ordusunun sərəncamındakı nüvə başlıqları yalnız böyük dağıdıcı gücə malik olanlardır. İkinci silah isə atom sualtı qayıqlarında yerləşdiriləcək nüvə başlıqlı qanadlı raketlər olacaq.
çap et