ABŞ və Cənubi Koreya birgə hərbi təlimləri bərpa edəcək

Rəsmi Vaşinqton və Seul Koreya yarımadasında birgə hərbi təlimləri davam etdirəcək. 

APA-nın Reuters agentliyinə istinadən verdiyi xəbərə görə, bu barədə Pentaqonun məlumatında deyilir. 

Bildirilir ki, Şimali Koreya tərəfi hərbi təlimlərin bərpası ilə bağlı məlumatlandırılıb. Yeni təlimlərə aprelin 1-də start veriləcək.

Qeyd edək ki, təlimlərə Cənubi Koreyanın Pxençxan şəhərində Qış Olimpiya və Paralimpiya Oyunları ilə əlaqədar fasilə verilmişdi. 

Martın 9-da Şimali Koreya lideri Kim Çen In nüvə və raket sınaqlarından  imtina etməyə hazır olduğunu bəyan edib. ABŞ prezidenti Donald Tramp Şimali Koreya lideri ilə may ayınadək görüşün keçirilməsinə razılıq verib.