Avropanın ən güclüsü "Real" oldu
Çempionlar Liqasında 2015-2016 mövsümünə yekun vurulub.
Qol.az-ın məlumatına görə, dünən qitənin ən nüfuzlu klub turnirinin qalibi bəlli olub.
Həlledici oyunda İspaniyanın paytaxtı Madrid şəhərinin iki komandası - “Real” və “Atletiko” üz-üzə gəlib.
İspaniya La Liqasında mövsümü ikinci və üçüncü pillədə başa vuran bu komandaların oyunu maraqla gözlənilirdi.
"San Siro"da keçirilən Madrid derbisinin əsas vaxtı 1:1 hesablı bərabərliklə başa çatıb. Əlavə vaxtda hesab dəyişmədiyindən penaltilər seriyasıan ehtiyac duyulub. Burda daha dəqiq olan "Real" 11-ci dəfə ÇL-in qalibi olub.
Qeyd edək ki, sonuncu dəfə iki il əvvəl Çempionlar Liqasının qalibi olan “Real” finalda məhz “Atletiko”ya qalib gəlmişdi.
28 may
Çempionlar Liqası, final
22:45. “Real” (Madrid, İspaniya) – “Atletiko” (Madrid, İspaniya) - 1:1 (penaltilər seriyası - 5:3)
"Real": + + + + +
"Atletiko": + + + -
Qol: Serxio Ramos, 15 (1:0), Karrasko, 79 (1:1)
Baş hakim: Mark Klattenburq
Köməkçi hakimlər: Simon Bek, Ceyk Kollin
Əlavə köməkçi hakimlər: Entoni Teylor, Andre Marriner (hamısı İngiltərə)
Dördüncü hakim: Viktor Kaşşai (Macarıstan)
Milan. “San Siro” stadionu
