|
|
|
|
Dünya çempionatında 2-ci turun oyunları davam edir.
Qol.az-ın xəbərinə görə, dünən E qrupunda 2, D qrupunda isə 1 görüş keçirilib.
E qrupunda mundialın favoritlərindən sayılsa da, ilk turda İsveçrəni uda bilməyən (1:1) Braziliya millisi 2-ci oyununda Kosta-Rikanı sınağa çəkib. Beşqat dünya çempionları qrup sonuncusu ilə oyunda əsas vaxta əlavə olunmuş dəqiqələrdə 2 qol vuraraq, mundialda ilk qələbələrini qazanıb.
E qrupunun digər matçında Serbiya və İsveçrə milliləri üz-üzə gəliblər. Matçda hesabı Serbiya açsa da, İsveçrə yığması sonradan 2 qol vurmaqla əzmkar qələbə qazanıb.
D qrupunda isə Nigeriya İslandiya ilə qarşılaşıb. Bu oyunun nəticəsi daha maraqla gözlənilirdi. İslandiya qələbə qazanacağı təqdirdə Argentinanın qrupdan çıxmaq şansı xeyli azalacaqdı. Ancaq islandiyalıların Nigeriyaya uduzması intriqanı son tura saxlayıb.