Dünyanı cənginə alan COVİD-19 epidemiyası, demək olar, bütün fəaliyyət sahələrinə ciddi şəkildə mənfi təsir göstərdi, sözün əsl mənasında, onlayn yaşamağı öyrətdi. Artıq alış-verişdən tutmuş təhsil almağa qədər hər şeyi onlayn sistemlə həyata keçiririk. Ancaq amansız virusun ən çox təsir etdiyi sahə təhsil sahəsi oldu. Bildiyiniz kimi, pandemiya dövrünün başlaması ilə bütün ali və orta təhsil müəssisələri onlayn təhsil sisteminə keçid etdi. Tədrisin real təhsildən geri qalmaması və uğurlu nəticələr verməsi üçün bütün təhsil müəssisələri əlindən gələn hər şeyi edir. Lakin danılmaz bir faktdır ki, onlayn təhsil Azərbaycan təhsil sistemində bir çox boşluqları üzə çıxararaq narazılıqlara səbəb oldu.